Melbourne

Tennisstadion

Zwergpinguine

Nach Geelong semer rechtig Melbourne gfahre. Ine sone riesigi Stadt semer beidi no nie inegfahret ond dementsprechend het sNavi chli Müeh gha zom üs de Wäg zo üsem Hostel zZeige. Nach paar Minute im Verkehr stoh semer den äntli ahcho bem Hostel. Zersch hemer gfrogt womer üse Van chönt parkiere ond nochhär hemer ihcheckt. Den semer chli a Beach gange zom sSchöne Wätter gniesse. Nachdemer zrugcho sind, semer no schnell zom Auto gange ond prompt hemer en 72 fränkigi Buess am Auto gha. Mer hend sScheld "Permit Zone" öberseh hahaha. 20 Meter witerfohre hemer den gratis chöne parkiere för 4 Täg :P
Melbourne selber esch zemli kuul gsi. sWetter het au gad metgspelt! Ei Tag semmer eifach go shoppe ond scho im erschte Lade semer föndig worde. Sit dem Shoppingtrip mömer chli uf üses Gäld achte hahaha :D Ond jetzt semer gad zSydney ahcho. Etz gohts wahrschindli weder es Zitli besmer öbis schribet :P

cheers

Great Ocean Road

Sooooooo, etz semer au weder mal im Blog ahztreffe :D nach Warnambool semer den uf Great Ocean Road gange. Das esch eine vode schönschte Abschnett in Australie. Die längschti Ziit ahde Köschte entlang, met Felse im Wasser. Noch dene 200km semer den zGeelong ahcho, öppe 70km osserhalb voo Melbourne. Döt hemer den pennt ond am nöchschte Tag eschs den rechtig Melbourne witer gange.

Twelve Apostels

Daytrip to Warrnambool

Nochere schöne warme Duschi am Morge ufem Campingplatz semer witer gfahre rechtig Great Ocean Road. Vo Victor Harbor bes Warrnambool send 610km vor üs gsi. Noch öbis meh als 8 Stond semer den äntli zWarrnambool ahcho, ond hend au gad en Campingplatz gfonde. Es het au guet do, äntli wedermal omenand zlaufe, do mer höt nor im Auto gsässe send. Jetzt hemer gässe, ond send gstärkt för morn dGreat Ocean Road abzfahre.

dFähri öber en Floss

Landschaft

291km left :)

Cheers

Kangaroo Island

Am Zischtig semer üse Campervan go abhole, ond den het üse Trip so rechtig ahgfange. Nacheme chorze Abstecher noch Glenelg ond snötigschte boschtet, semer rechtig Cape Jervis (Hafe för dFähri noch K.Island) gfahre.
Noch 45 Minute of de Fähri, semer zKangaroo Island ahcho, meteme chline mollmige Mage.. ;) Wels so spoot xsi esch, hemer üs en rächt nöche Campingplatz direkt am Meer gsuecht & gfonde.
Die erscht Nacht im Van, hemmer problemlos öberstande.. frösch duschet semer witergfahre rechtig Kingscote und Emu Bay. Leider hemmer kei Pinguine oder Pelikään gseh, drom hemmer üs ofe Wäg gmacht noch Seal Bay. Of de hälfti hemmer en Lunch-Stop gmacht, in Duck Lagoon. Es heg gheisse mer gseht döt Koalas, aber zerscht hemmer üs met  aggressive Gäns in Acht näh. Womer dHoffnig scho fascht ufgäh hend, hemer nochem zMettag en schlofende & fuule Koala ide Bäum am chille gseh :) Uf üsere Fahrt noch Seal Bay, hemer luuti toti Wallabies am Strosserand gseh. In Seal Bay, semer den en huufe Seelöwe go aluege, obwohlmer Itrett hend mösse zahle tztz. Nochher semmer witergfahre bes noch Flinders Chase, womer hend mösse Ihtrett zahle för de Nationalpark ond Campingplatz. Noch 22 km röttelndi Off Road Fahrt, semer am Campingplatz ahcho - ond wiit ond breit kei Mönsch. De Beach esch verlasse ond traumhaft xsi, ond so hemmer dänkt versuechemer üsi erschte Angelversüech. Voller Öberraschig esch noch 15 Minute scho en Fesch ade Angle gsi - sprobiere kille esch schweriger gsi als de Fesch zfange :P !! Met 2 Prachtsstöck semmer den ah Campingplatz zrog ond hend si gässe.
Nochere Nacht, wo Tier üse Van versuecht hend zstörme semer rechtig Remarkable Rocks ond Admiral Arch gfahre. In Admiral Arch hemmer gratis chöne Seelöwe gseh - hätemer üs also Seal Bay chönne spare.
Noch 2 1/2 Täg esch den üse Kangaroo Island Trip au scho zÄnd gange ond jetzt semer grad imene Camping Platz in Port Harbor am hänge. Morn fahremer den rechtig Great Ocean Road womer üch weder meh verzelled.
Bes gli

Campingplatz am Meer

Tots Wallabie

Seal Bay

Off Road

Üse Beach

Üse Fang

Pädi ond Kremmel vorem Lüchttorm

Admiral Arch

Koala in Duck Lagoon

Remarkable Rocks

Adelaide

Hallo Zäme, Mer send guet in Adelaide ahcho ond de Jerren (Ustuschschüeler wo i CH cho esch) esch üs go abhole. Am erschte Tag heder üs chli Adelaide zeigt ond den hemer im Maccas zMettag gässe. Nochhär semer zo ehm heigange,  heder üs sHuus zeigt ond de hemer üs parat gmacht före Usgang. Wel am Mäntig en Public Holiday Tag gsi esch, send am Sonntig vell Lüüt onterwegs gsi (vell Barbys :P ). Noch 2 Stond ahstoh semer im Club ene gsi ond es esch rächt luut gsi, aber geil :)

Höt semer den ah Beach gange, wels so schöns Wetter gsi esch (32° Grad im Herbst).

Morn Morge gömer den de Van go abhole, ond den gohts den rechtig los met üsere Australie Tour.

Bes bald weder



Pädi ond Kremmel (ond Amerikanerinne im Background :P)



Roadtrip - Ticker

In wenigen Wochen beginnen Pädi und Ich unsere Reise durch Australien. Mit diesem Blog wollen wir euch möglichst auf dem laufenden halten :-)